«Барселона» футболчиси Маркус Рэшфорд Мадриднинг «Реал» клубига қарши ўйинда (2:0) жарима зарбасидан урган голи ҳақида фикр билдирди. Инглиз вингери «Эл-Класико»нинг 9-дақиқасидаёқ ҳисобни очган эди. 18-дақиқада эса Ферран Торрес иккинчи голни урди. Меҳмонлар бу голларга жавоб қайтара олишмади.
«Бу сафар гол ура олганим яхши бўлди. Кечаги машғулотда бирон марта ҳам буни уддалай олмагандим. Ростини айтсам, зарба бериш ниятим йўқ эди, лекин Дани ва Педри мени кўндиришди ва мен шунчаки вазифамни бажардим. Менга бурчак ноқулайдек туюлганди, бунинг устига Куртуа дарвозада жуда ҳайбатли кўринади», — дея Barca Universal Рэшфорднинг сўзларини келтиради.
