«Барселона» вингери Маркус Рэшфорд «Эл-Класико»даги ғалабадан сўнг интервью берди. Ханс-Дитер Флик жамоаси ўз майдонида Мадриднинг «Реал» клубини мағлуб этиб, мавсум якунланишига уч тур қолганда Ла Лига чемпионлигини нақд қилди.
«Мен «Барселона»га айнан шунинг учун келгандим. Мана шундай лаҳзалар учун!» – деди учрашув якунлангач 28 ёшли инглиз футболчиси.
Рэшфорд баҳс қаҳрамонларидан бирига айланди: у 9-дақиқада жарима зарбасидан Тибо Куртуа дарвозасини ишғол қилиб, ҳисобни очди. Кўп ўтмай, Ферран Торрес якуний натижани белгилади – 2:0.
Рэшфорднинг «Барселона» билан ижара шартномаси ёзгача амал қилади. Футболчининг трансфер ҳуқуқи ҳамон «Манчестер Юнайтед»га тегишли.
