«Барселона» ҳужумчиси Роберт Левандовски фаолиятининг кейинги босқичи ҳақида фикр билдирди.

— Ҳозирча кейин нима қилишимни билмайман. Фаолиятимни нисбатан кучсизроқ чемпионатда давом эттириш варианти ҳам бор. Мен деярли 38 ёшдаман, аммо жисмоний ҳолатимни яхши ҳис қиляпман. Шунинг учун бу имкониятни кўриб чиқяпман. Яна бир нечта таклифларни эшитаман, шундан кейин қарор қабул қиламан, — деди Левандовски.

Эслатиб ўтамиз, ўтган тунда «Барселона» Мадриднинг «Реал» клубини 2:0 ҳисобида мағлуб этиб, Испания чемпионига айланди.

Роберт Левандовски жорий мавсумда «кўк-анорранглилар» сафида барча мусобақалар доирасида 43 та учрашувда майдонга тушиб, 18 та гол ва 4 та ассист муаллифи бўлди.