Мюнхеннинг «Бавария» клуби шарафини ҳимоя қилаётган франциялик ярим ҳимоячи Майкл Олисе Европанинг кучли бешлик чемпионатларида тўп сураётган футболчилар орасида етакчи бўлиб турибди. У жорий мавсумда «Бавария» иштирок этган барча турнирларни ҳисобга олганда, 53 та голли вазиятда бевосита қатнашди (25 та гол ва 28 та голли узатма).

Ушбу кўрсаткич бўйича иккинчи ўринни Килиан Мбаппе эгаллаб турибди. Унинг ҳисобида 47 та голли ҳаракат (42 та гол ва 5 та узатма) бор. Ниҳоят, кучли учликни «Олтин тўп» соҳиби Усмон Дембеле якунлаб берди. У 21 та гол ва 11 та голли узатма муаллифига айланиб, жами 32 очко жамғаришга муваффақ бўлди.