Жазоир терма жамоаси ярим ҳимоячиси Набиль Бенталеб шу ёзда «Лилль»ни тарк этиши мумкин. Бу ҳақда Footmercato нашри хабар бермоқда.

Футболчининг «итлар» билан амалдаги шартномаси шу ёзда ўз ниҳоясига етади ва унга хориж клублари қизиқиш билдирмоқда. Манбанинг хабарига кўра, Туркиянинг «Бешиктош» клуби ярим ҳимоячининг атрофидагилар билан аллақачон алоқага чиққан. Шунингдек, Туркиянинг яна бир клуби Бенталебга қизиқиш билдираётгани айтилмоқда.

Ярим ҳимоячида фаолиятини Саудия Арабистонида давом эттириш имкониятлари ҳам бор. Бундан ташқари, Лигa 1 грандлари ва АПЛнинг ўртамиёна жамоалари ҳам вазиятни диққат билан кузатиб бормоқдалар.

Жорий мавсумда Бенталеб «Лилль» сафида 36 та ўйинда майдонга тушиб, ўз ҳисобига иккита гол ва иккита голли узатмани ёздириб қўйди.