«Реал» ҳужумчиси Килиан Мбаппе «Ан-Наср» форварди Криштиану Роналду билан бўлган муносабатлари ҳақида гапириб берди.
«Криштиану энди менинг дўстим. Мен кумирим бўлган инсоннинг дўстимга айланиши жуда ажойиб. Биз кўп мулоқот қиламиз, у «Реал»даги биринчи йилимда менга кўп ёрдам берди. Муносабатларимиз жуда яхши», — деди Мбаппе VENITE FAIR нашрига берган интервьюсида.
Килиан Мбаппе 2024 йилда «ПСЖ»дан эркин агент сифатида «Реал»га ўтган эди. Унинг Мадрид клуби билан шартномаси 2029 йилнинг 30 июнига қадар мўлжалланган. Жорий мавсумда ҳужумчи «қаймоқранглилар» сафида барча турнирларда 41 та ўйинда майдонга тушиб, 41 та гол урди ва 6 та голли узатмани амалга оширди.
