«Интер»нинг собиқ ҳужумчиси Кристиан Вьери руминиялик мутахассис Кристиан Киву ҳақида ўз фикрларини билдирди. У Киву жамоа ичидаги муҳитни жуда яхши назорат қилаётганини таъкидлади.

«Киву ўзининг характери борлигини ва кийиниш хонасидаги энг инжиқ футболчилар билан ҳам тил топиша олишини исботлади. Уларнинг барчаси мураббийнинг фикрига қўшилади. Кийиниш хонасини бошқариш — мураббий учун энг қийин вазифа, аммо Киву бунинг уддасидан чиқмоқда», — дея Вьерининг сўзларини келтиради derbyderbyderby.it нашри.

Эслатиб ўтамиз, Кивудан аввал клубни тўрт йил давомида Симоне Индзаги бошқарган эди, у ҳозирда Саудия Арабистонида фаолият юритмоқда. Кристиан Вьерининг ўзи эса футболчилик фаолиятини анча олдин, 2009 йилда якунлаган.