«Борнмут» ҳужумчиси Эли Жуниор Крупи «Барселона»га ўтишни истамоқда. 19 ёшли футболчига Европанинг бир қатор гранд клублари томонидан қизиқиш бўлса-да, у «кўк-анорранглилар» сафига қўшилишни афзал кўрмоқда.
Transfer News Live нашрининг Sport’га таяниб хабар беришича, франциялик истиқболли футболчи «Камп Ноу»да тўп суришни орзу қилади. Каталония клуби айни дамда ҳужумчи изламоқда, бироқ «олчалар» юлдузи ҳозирча асосий номзодлар рўйхатида эмас.
Эли Жуниор Крупи Англия Премьер-лигасининг жорий мавсумида 31 та ўйинда майдонга тушиб, 12 та гол уришга муваффақ бўлди. Transfermarkt портали унинг нархини 40 миллион еврога баҳоламоқда. Футболчининг «Борнмут» билан шартномаси 2030 йилгача мўлжалланади.
