Лондоннинг «Челси» клуби мавсум якунланганидан кейин жамоани бошқариши мумкин бўлган мураббийлар номзодини ўрганишда давом этмоқда. Клуб учун асосий мақсад Хаби Алонсо бўлиб қолса-да, раҳбарият бошқа вариантларни ҳам кўриб чиқмоқда.
Guardian Sport нашрининг хабарига кўра, «кўклар» вакиллари «Борнмут» бош мураббийи Андони Ираола билан учрашув ўтказишган. Лондонликлар жамоанинг асосий муаммоларидан бири сифатида футболчиларнинг жисмоний ҳолати ва кучи етишмаслигини кўришмоқда. Тахминларга кўра, «олчалар» устози бу вазиятни ўнглашга қодир.
Бундан ташқари, «Челси» мутасаддилари 43 ёшли мутахассис юқори савиядаги жамоада ишлаш тажрибасига эга бўлмаса-да, топ-даражада қийинчиликларга дуч келмаслигига ишонишмоқда. Маълум бўлишича, Ираола мавсум тугагач, ҳар қандай ҳолатда ҳам «Борнмут»ни тарк этади. Унга «Кристал Пэлас» ва «Манчестер Юнайтед» клублари томонидан ҳам қизиқишлар бор.
