«Барселона» бош мураббийи Ханс-Дитер Флик жамоа ҳужумчиси Маркус Рэшфорднинг жорий мавсумдаги ўйинига юқори баҳо берди. Маълумки, англиялик футболчи каталонияликлар сафида ижара асосида тўп сурмоқда.

«Мен Рэшфордни жуда қадрлайман. Менимча, у фантастик мавсумни ўтказди ва яхши кўрсаткичларни қайд этди. Ундан жуда миннатдорман ва унинг меҳнатини юқори баҳолайман», — дея Фликнинг сўзларини келтиради инсайдер Фабрицио Романо.

Маркус Рэшфорд жорий мавсумда «Барселона» сафида барча мусобақаларда 47 та учрашувда майдонга тушиб, 14 та гол урди ва 14 та голли узатмага муаллифлик қилди.

Эслатиб ўтамиз, ҳужумчи трансфер ҳуқуқи бўйича «Манчестер Юнайтед»га тегишли ҳисобланади. «Барселона» раҳбарияти футболчини «қизил иблислар»дан тўлиқ сотиб олиш ёки олмаслик борасида ҳали бир қарорга келгани йўқ.