«Барселона» ҳимоячиси Андреас Кристенсен Ла Лиганинг 36-туридан ўрин олган «Алавес»га қарши учрашув учун жамоа қайдномасига киритилди.
Клуб матбуот хизматининг хабар беришича, 30 ёшли футболчи тиззасидаги оғир жароҳатдан (хочсимон боғламлар узилиши) сўнг тўлиқ тикланишга муваффақ бўлган. Даниялик ҳимоячи ушбу жароҳат сабабли 2025 йилнинг декабрь ойи охиридан бери майдонга туша олмаётган эди. У 148 кунлик танаффусдан сўнг яна сафга қайтди.
«Барселона» бугун, 13 май куни сафарда «Алавес» меҳмони бўлади. Учрашув Тошкент вақти билан тунги соат 00:30 да бошланиши режалаштирилган.
