«Барселона» бош мураббийи Ханс-Дитер Флик «Реал Мадрид» президенти Флорентино Переснинг сўнгги шов-шувли баёнотига муносабат билдиришни истамади. Аввалроқ «қироллик клуби» раҳбари Ла Лигада «Реал»дан «еттита чемпионлик титули ўғирлангани» ҳақида гапирган эди.
Чоршанба куни «Алавес»га қарши кечган ўйиндан (0:1) сўнг журналистлар германиялик мутахассисдан Переснинг ушбу иддаоларига муносабат сўрашди. Бироқ Флик баҳс-мунозарага киришишдан қочди.
«Менимча, бу гаплар жавоб беришга лойиқ эмас», — дея қисқа қилди «Барселона» устози.
Эслатиб ўтамиз, «Барселона» ўтган якшанба куни айнан «Реал»ни ўзаро баҳсда (2:0) мағлуб этиб, муддатидан олдин Испания чемпионлигини қўлга киритган эди. «Алавес»дан қабул қилинган мағлубият каталонияликлар учун чемпион сифатидаги илк муваффақиятсизлик бўлди.
