Ханс-Дитер Флик яқинда ўтказилган матбуот анжуманида клуб билан 2028 йилнинг ўрталаригача мўлжалланган ва яна бир мавсумга узайтириш имкониятини ўз ичига олган янги шартнома имзолашини тасдиқлади.
Испаниянинг Sport нашри хабарига кўра, Флик янги келишувга душанба, 18 май куни имзо чекади. Немис мутахассиси шу куни шартномани узайтириш муносабати билан расмий маросим ўтказилишига розилик берган.
Ханс-Дитер Флик «Барселона» бошқарувидаги иккинчи мавсумини якунламоқда. Ушбу давр мобайнида жамоа ички аренадаги олтита совриндан бештасини қўлга киритишга муваффақ бўлди.













