Германиянинг «Бавария» клуби бош мураббийи Венсан Компани 2025/2026 йилги мавсум ҳақида ўз фикрларини билдирди. Жамоа мамлакат чемпионига айланди ва Чемпионлар Лигасининг ярим финалига қадар етиб борди.
«Якуний баҳо беришдан ҳозирча тийиламан, олдинда биз учун катта аҳамиятга эга бўлган ҳал қилувчи Кубок финали бор. Биз кўп ғалаба қозондик, кўплаб ҳиссиётларни бошдан кечирдик ва кўплаб футболчилар ўсишга эришди. Янги келганлар бизни кучлироқ қилишди: Лучо Диас ва Ленарт Карл жамоага янгилик олиб киришди – бу ижобий ривожланиш. Марра жуда ва жуда баланд қўйилган ва мақсадимиз ҳамон кейинги йилда ҳам ривожланишда давом этишдан иборат», — дея Компанининг сўзларини келтиради клуб матбуот хизмати Х ижтимоий тармоғида.
Германия Кубоги финалида «Бавария» 23 май куни «Штутгарт» билан тўқнаш келади.
