Ўзбекистон кубоги 2-тури доирасидаги «Локомотив» - «Динамо» (2:2) учрашувидан кейин меҳмонлар жамоаси мураббийи Марат Мифтахутдинов ўйин борасидаги фикрларини билдирди.
«Ўйлайманки, бугунги баҳс мухлисларга ёқди – икки томонлама жанговар ўйин кечди. Ўйин олдидан ўзимизни муаммоларимиз бор эди, яъни Фирдавс Абдураҳмонов анча вақт ўйнамай, майдонга тушганди, Ойбек Ўрмонжонов ҳам узоқ муддатдан кейин сафга қайтди. Ҳимоя чизиғимизда ҳам муаммолар бор эди. Ҳисобда олдинда эдик, аммо охирида ҳимоядаги эътиборсизлик голга сабаб бўлди.
Гуруҳдан чиқиш имконияти? Чинданам, ҳаммаси энди бизнинг қўлимизда эмас. Энди сўнгги турни кутамиз, ҳаммаси охирги турда ҳал бўлади.
Вадим Абрамов сўнгги ўйинларда жуда асабийлашди, соғлиғидаги муаммо сабаб матбуот анжуманида ўрнига мен қатнашяпман.
Вазифа ўзгармайди, муаммо борлиги маълум, ўйнаш керак ва гуруҳдан кейинги босқичга чиқиш керак.
Таркибимиздан икки футболчининг ЖЧ-2026га бориши мумкинлиги қолган футболчиларимизни албатта руҳлантиради. Мисол учун, Ўрмонжонов ва Абдураҳмонов ҳам олимпия жамоасига чақирилиб келмоқда, бу хурсанд қилади, - дейди Марат Мифтахутдинов ўйиндан кейин.













