«Барселона» ярим ҳимоячиси Марк Касадо жамоада Педрининг ҳамма учун севимли эканлигини айтиб ўтди.

«Менимча, «Барселона»даги энг севимли футболчи — бу Педри. Ўзим PlayStation ўйинларини кўп ўйнамайман, лекин эшитишимча, у бу ишда ҳам энг зўри экан», — дея Касадонинг сўзларини келтирмоқда Barça Universal.

Жорий мавсумда 23 ёшли Педри барча турнирларни инобатга олган ҳолда 42 та учрашувда майдонга тушди, 2 та гол урди ва 11 та голли узатмани амалга оширди.

Якшанба, 17 май куни «Барселона» ўз майдонида «Бетис»ни қабул қилади. Испания Ла Лигасининг 37-тур ўйини Тошкент вақти билан соат 00:15 да (душанбага ўтар кечаси) старт олади. Эслатиб ўтамиз, аввалроқ «кўк-анорранглилар» ўз уйида «Реал»ни мағлуб этиб, муддатидан олдин чемпионлик унвонини расмийлаштириб бўлишган.