«Barselona» yarim himoyachisi Mark Kasado jamoada Pedrining hamma uchun sevimli ekanligini aytib o‘tdi.

«Menimcha, «Barselona»dagi eng sevimli futbolchi — bu Pedri. O‘zim PlayStation o‘yinlarini ko‘p o‘ynamayman, lekin eshitishimcha, u bu ishda ham eng zo‘ri ekan», — deya Kasadoning so‘zlarini keltirmoqda Barça Universal.

Joriy mavsumda 23 yoshli Pedri barcha turnirlarni inobatga olgan holda 42 ta uchrashuvda maydonga tushdi, 2 ta gol urdi va 11 ta golli uzatmani amalga oshirdi.

Yakshanba, 17 may kuni «Barselona» o‘z maydonida «Betis»ni qabul qiladi. Ispaniya La Ligasining 37-tur o‘yini Toshkent vaqti bilan soat 00:15 da (dushanbaga o‘tar kechasi) start oladi. Eslatib o‘tamiz, avvalroq «ko‘k-anorranglilar» o‘z uyida «Real»ni mag‘lub etib, muddatidan oldin chempionlik unvonini rasmiylashtirib bo‘lishgan.