“China Cup” мусобақасида иштирок этаётган Ўзбекистон U-16 терма жамоаси навбатдаги учрашувда Тожикистонни мағлуб этди. Айдер Курбаев бошчилигидаги жамоа муросасиз кечган баҳсда 2:1 ҳисобида зафар қучиб, турнирдаги юришини муваффақиятли давом эттирди.

Учрашув давомида ўзбекистонлик футболчилар ташаббусни қўлга олишга ҳаракат қилди ва ҳужумларда фаол ўйин намойиш этди. Жамоанинг босими ўз самарасини бериб, Ҳожиакбар Зулфиқоров ҳисобни очишга муваффақ бўлди. Кейинроқ Беҳруз Саматовнинг голи Ўзбекистоннинг устунлигини мустаҳкамлади.

Тожикистон терма жамоаси ҳам қарши ҳужумларда хавфли вазиятлар яратди ва бир бор ҳисобни қисқартиришга эришди. Шунга қарамай, ўзбекистонлик ёшлар ўйин охирига қадар устунликни сақлаб қолиб, ғалабани қўлдан чиқармади.

Шу тариқа, Ўзбекистон U-16 терма жамоаси “China Cup” доирасидаги яна бир учрашувни ғалаба билан якунлади.

“China Cup” мусобақаси
16 май 2026 йил
Тожикистон U-16 — Ўзбекистон U-16 1:2
Голлар: Ҳожиакбар Зулфиқоров, Беҳруз Саматов.
Ўзбекистон U-16: 12. Азиз Бердиев, 2. Шеҳрож Одилов, 3. Ҳожиакбар Зулфиқоров, 8. Яҳё Насруллоев, 10. Рўзимурод Рўзимуродов, 11. Камолиддин Акбаралиев, 15. Диёрбек Ускенбоев, 18. Ҳасан Уролов, 22. Яҳё Бахтиёров, 23. Беҳруз Саматов.
Захирадан майдонга тушганлар: Ўктамов, Эшбоев, Шукуров, Маматов, Хайруллаев, Қодирхўжаев.
Бош мураббий: Айдер Курбаев.