«Челси» яқин вақт ичида Хаби Алонсонинг бош мураббий лавозимига тайинланганини расман эълон қилади. Испаниялик мутахассис «кўклар» билан тўрт йиллик шартнома имзолаб бўлди. Келишув июль ойидан бошлаб кучга киради.
Sky Sports берган маълумотларга кўра, янги мураббий қўл остида жамоа учта марказий ҳимоячидан иборат тактик схемага боғланиб қолмайди. Учта ҳимоячидан иборат формат Алонсо номи билан ҳали «Байер» давридан бери боғланиб келинади, бироқ Леверкузенда мутахассис бундай жойлашувдан шунчаки футболчиларнинг таркиби ва уларнинг сифатларидан келиб чиқиб фойдаланган эди. Катта эҳтимол билан, «Челси» унинг қўл остида тез-тез иккита марказий ҳимоячи билан ўйин кўрсатади.
Эслатиб ўтамиз, «Байер»дан кейин Хаби Алонсо Мадриднинг «Реал» клубида фаолият юритди ва тайинланганидан етти ой ўтиб истеъфога чиқарилди.
