«Манчестер Сити» ҳимоячиси Жон Стоунс Англия Кубоги финали доирасида «Челси»га қарши кечган ўйиннинг (1:0) танаффус вақтида бош мураббий Хосеп Гвардиола жамоани иккинчи бўлимга қандай руҳлантиргани ҳақида гапириб берди.
Биринчи бўлимдан сўнг таблода 0:0 ҳисоби қайд этилиб турган эди. Финал тақдирини 71-дақиқада Антуан Семеньо томонидан киритилган гол ҳал қилди ва «кўклар» бунга жавоб қайтара олишмади.
«Тўғрисини айтсам, мураббий танаффусда жуда ғазабланган эди. Мен уни ҳеч қачон бунчалик маҳзун ва аччиқланган ҳолатда кўрмагандим, лекин бу унинг иштиёқи — у биздан хоҳиш намойиш этишимизни ва ғалаба қозонишимизни истади. У биринчи бўлимда жуда суст ҳаракат қилганимизни айтди. Гап югуришга, прессинг қилишга ва рақибни ноқулай аҳволга солишга тайёрлик ҳақида кетаётган эди. Пеп биздан жанговар руҳ ва ғалабага бўлган чанқоқликни кўрсатишимизни талаб қилди», — деди Стоунс TNT Sports телеканалига берган интервьюсида.
Маълумот учун, Хосеп Гвардиола «Манчестер Сити»даги ўн йиллик фаолияти давомида ўзининг 20-совринини қўлга киритди.
