Промоутер Эдди Хирн супероғир вазн тоифасида собиқ жаҳон чемпиони Энтони Жошуа ва собиқ чемпион Тайсон Фьюри ўртасидаги жанг шартномасида реванш имконияти кўзда тутилгани ҳақида гапириб берди.
— Фьюри билан реванш бўлиши мумкинми? Бу шартномада кўрсатилганми?
— Йўқ, лекин агар бу катта жанг бўлса, унинг қайта ўтказилиш эҳтимоли жуда юқори. Бу эса аниқ катта жанг бўлади, чунки иккаласи ҳам ғалаба қозонишни жуда исташмоқда. Улар учун бу тўқнашув жуда катта аҳамиятга эга.
Фьюрининг ўз ғурури бор, Жошуа эса ўз хаёлида бу жангдаги мағлубиятни умуман тасаввур қилмаяпти. Шундай қилиб, бизда иккита буюк ном ва бир-бирига ютқазишни истамайдиган иккита жуда қатъиятли ҳамда мағрур жангчи бор, — деди Хирн.
Эслатиб ўтамиз, Фьюри ва Жошуа ўртасидаги жанг 2026 йилнинг охирида бўлиб ўтиши режалаштирилган.













