«Барселона» бош мураббийи Ханс-Дитер Флик жамоасининг ноёб ютуғи — Ла Лиганинг жорий мавсумида ўз майдонида ўтказилган 19 та ўйиннинг барчасида (19 та) ғалаба қозонгани ҳақида фикр билдирди. «Кўк-анорранглилар» чемпионат давомида ўз уйларида бирор марта ҳам очко йўқотишмади — Ла Лига тарихида илгари ҳеч ким бундай натижага эриша олмаган эди. Ўз майдонидаги сўнгги учрашувда «Бетис» мағлуб этилди (3:1).

«Мен жуда фахрланаман. Биз ўз мақсадимизга эришдик. Биз ўз уйимиздаги барча 19 та ўйинда ғалаба қозонишни истаган эдик ва буни уддаладик», — дея Фликнинг сўзларини келтирмоқда The Touchline нашри.

Каталонияликлар бир ҳафта олдин муддатидан илгари чемпионликни қўлга киритишган эди. 37 та турдан сўнг «Барса» ҳисобида 94 очко мавжуд — бу иккинчи ўринда бораётган Мадриднинг «Реал» клубиникидан 11 очкога кўп демакдир.