Испания Ла Лигасининг 37-турида «Барселона» ўз майдонида «Бетис»ни қабул қилди ва 3:1 ҳисобида ғалаба қозонди.

Таъкидлаб ўтиш жоизки, «кўк-анорранглилар» таркибида икки голга бразилиялик ҳужумчи Рафинья Диас муаллифлик қилди. У учрашувнинг 28 ва 62-дақиқаларида рақиб дарвозасини ишғол этишга муваффақ бўлди.

Жорий мавсумда 29 ёшли Рафинья барча мусобақаларни инобатга олган ҳолда, аллақачон олтинчи бор дублни расмийлаштирди. Вингернинг ҳисобида майдонга тушган 33 та учрашувида жами 21 та гол ва 8 та голли узатма мавжуд.