Кўплаб футболчилар учун жаҳон чемпионатида қатнашиш орзу бўлса-да, бунинг акси бўлган мисоллар ҳам бор. Масалан, тунислик футболчи Бен Фарҳат миллий терма жамоа устози Сабри Лямушидан таклиф олганига қарамай, бош мураббийга рад жавобини берди.
Бундан ташқари, у бу ишни шундай тарзда амалга оширдики, эҳтимол, Лямуши энди Германиянинг «Карлсруэ» клуби ўйинчисини бошқа умуман чақирмаслиги мумкин. Фарҳатнинг отаси мураббийга қўнғироқ қилиб, ўғли бундай масъулиятли турнирда иштирок этиш учун ўзини ҳали жуда ёш деб ҳисоблашини ва таклифни рад этишини айтган.
Футболчининг ўзи Лямушининг қўнғироқларига жавоб бермаган, мураббий эса буни ҳурматсизлик деб баҳолаган ва бу ҳақда Тунис матбуотига маълум қилган.
