«Тоттенхэм» бош мураббийи Роберто Де Дзерби 2025/26 йилги мавсум якунидаги мотивация ҳақида гапириб берди.

«Биз ушбу босимдан янги мотивация топишимиз керак. Агар ҳамма «Тоттенхэм»нинг қуйи лигага тушиб кетишини истаётган бўлса, бу мен учун ва умид қиламанки, футболчиларим учун ҳам катта мотивациядир. Биз футбол рақобат туфайли гўзал эканини қабул қилишимиз керак. Уларнинг стадионида ғалабани қандай нишонлашимизни тасаввур қилиш ёқимли. Футбол шуниси билан футбол, тўғрими?

Бу мотивация, бу чорлов. Агар чорлов қийинроқ бўлса, биз янги мотивация топишимиз ҳамда ўйин бошидан охиригача бирдамликка эътибор қаратишимиз осонроқ бўлади.

Биз ўйинни дуранг ҳақидаги хаёл билан бошлай олмаймиз. Биз ўйинни бошлашимиз, унга тайёргарлик кўришимиз ва мажлисларда ғалаба қозониш ҳақида гапиришимиз керак. Ҳамма лигада қолишни истайди, ҳамма шу мақсадга эришишни хоҳлайди ва фақат шундан кейингина қолган нарсалар ҳақида гаплашишимиз мумкин», — деди Де Дзерби матбуот анжуманида.

«Тоттенхэм» Англия Премьер-лигаси турнир жадвалида 17-ўринни эгаллаб турибди — клуб 36 та ўйиндан сўнг 38 очко жамғарган.