Ўзбекистон Кубоги гуруҳ босқичидан ўрин олган "Республика ФА" - "Машъал (0:2) учрашувидан кейин матбуот анжумани ташкил этилди.Бунда "Машъал" бош мураббийи Ильдар Сакаев иштирок этди.
- Ўйин тугаши билан алҳамдулиллаҳ дедим. Нохуш серия қачондир тугаши керак эди-ку. 14та учрашувнинг фақат биттасида ютдик. Руҳий ўрага тушиб қолгандик. Бугун Кубокнинг охирги ўйинини ғалаба билан якунладик, энди жамоага дам берамиз.
Яхши баҳс гувоҳи бўлдик, ғалаба жамоамиз фойдасига ишлайди деб умид қиламан. Умуман ҳар бир ўйиндан дарс олса бўлади. Кубокни гуруҳ босқичида тугатдик, энди бор эътиборни чемпионатга қаратамиз. Иккинчи даврага режалар тузиб қўйганмиз, шулар устида иш олиб борамиз", - деди Сакаев.
