«Арсенал» клуби муддатидан олдин АПЛ 2025/26 йилги мавсуми чемпионига айланди.
Сешанба, 19 май куни турнир жадвалида иккинчи ўринда бораётган «Манчестер Сити» сафарда «Борнмут» билан дуранг ўйнади (1:1) ва «канонирлар»га математик жиҳатдан етиб олиш имкониятидан бутунлай маҳрум бўлди.
Мавсум якунланишига 1 тур қолганда «Арсенал» 82 очко билан Премьер-лига пешқадами бўлиб турибди, «Манчестер Сити» эса 78 очко билан иккинчи ўринни банд этган.
Бу «Арсенал»нинг ўз тарихидаги 14-Англия чемпионлиги бўлди. Лондонликлар 2003/04 йилги мавсумдан буён илк бор АПЛ ғолибига айланишди — ўшанда «канонирлар» Арсен Венгер қўл остида Премьер-лига доирасида бирорта ҳам мағлубиятга учрамай чемпионликни қўлга киритишган эди.
