«Астон Вилла» ярим ҳимоячиси Эмилиано Буэндия «Фрайбург»га қарши кечган Европа лигаси финалининг (3:0) энг яхши футболчиси деб топилди. 29 ёшли аргентиналик ўйинчи майдонда 81 дақиқа ҳаракат қилди ва ўз ҳисобига битта гол ҳамда битта голли узатмани ёздириб қўйди.
«Бу Эмилиано томонидан кўрсатилган юқори сифатли ўйин бўлди. У чизиқлар оралиғида жуда яхши ҳаракат қилди, аниқ узатмаларни амалга оширди ва жамоанинг ҳужумкор ўйинини бошқариб борди. У барчасини ажойиб гол ва голли узатма билан якунлади», — дея таъкидлади УЕФА техник кузатувчилари гуруҳи.
«Астон Вилла» ўз тарихида илк бор Европа лигасида ғолиб чиқди. Бу инглиз клуби учун 1982 йилдан бери илк йирик еврокубок финали эди. Ўшанда жамоа Европа чемпионлар кубоги ва УЕФА Суперкубогини қўлга киритган эди.
