«Сантос» ҳужумчиси Неймар болдир мушагидан олган жароҳати сабабли тахминан 5-10 кунни ўтказиб юборади.
«Неймарда болдир мушагининг енгил шикастланиши кузатилган ва шиш пайдо бўлган. Агар тикланиш жараёни режадагидек борса, кейинги ҳафтада уни Бразилия терма жамоаси ихтиёрига топширамиз», — деди «Сантос» тиббиёт департаменти координатори Родриго Зогайб.
Хабар қилинишича, Неймар 26 май куни Жанубий Америка кубоги доирасида «Депортиво Куэнка»га қарши бўлиб ўтадиган учрашувда «Сантос» сафида майдонга туша олади. Шундан сўнг, футболчи ЖЧ-2026 га тайёргарлик кўрадиган Бразилия терма жамоаси қароргоҳига йўл олади.
