«Сельта» ҳужумчиси Яго Аспас янги меҳнат шартномасини имзолади. Бу ҳақда клуб матбуот хизмати хабар бермоқда.

38 ёшли ҳужумчи 2030 йилгача мўлжалланган шартномага қўл қўйди. Келишув шартларига кўра, Аспас кейинги мавсумни жамоада футболчи сифатида ўтказади, шундан сўнг Виго клуби тузилмасида лавозимга эга бўлади.

«Сельта» афсонаси жамоа сафида 571 та учрашув ўтказиб, ўз ҳисобига 222 та гол ва 90 та голли узатмани ёздириб қўйган. Ла Лиганинг якуний тури олдидан Виго клуби 51 очко билан турнир жадвалида олтинчи ўринни эгаллаб турибди. 23 май куни «Сельта» ўз майдонида «Севилья»ни қабул қилади.