Бразилия терма жамоаси ҳимоячиси Данило АҚШ, Канада ва Мексика мезбонлик қиладиган 2026 йилги Жаҳон чемпионати учун миллий жамоа таркибига киритилгани ҳақида гапирди. Бразилия «C» гуруҳида Марокаш, Гаити ва Шотландия терма жамоалари билан кураш олиб боради.
«Мен кундалик тартиб ва яхши одатларнинг фойдасига чин дилдан ишонаман. Бугунги эришган натижаларим — кўп йиллик машаққатли меҳнат маҳсули. Бундай эътироф мени қувонтиради, аммо шу билан бирга зиммамга катта масъулият ҳам юклайди. Мен бор эътиборимни Бразилиянинг жаҳон чемпионатлари тарихида янги ва ажойиб саҳифа ёзишимиз учун керакли шароитларни яратишга қаратганман», — дея Данилонинг сўзларини келтирмоқда ФИФА расмий сайти.
