Миср футбол ассоциацияси бош котиби Мустафо Аззам «Ливерпуль» ва Миср терма жамоаси ҳужумчиси Муҳаммад Салоҳнинг Россия терма жамоасига қарши бўлиб ўтадиган ўртоқлик учрашувидаги иштироки ҳақида гапирди. Учрашув 29 май куни Қоҳирада бўлиб ўтади.

«Муҳаммад Салоҳ — терма жамоамиз етакчиси ва сардори. Россияга қарши ўйин ўз уйимизда бўлиб ўтади, шунинг учун, албатта, у бу баҳсда иштирок этади», — дея Аззамнинг сўзларини келтиради Sport24 нашри.

Якунланган мавсумда 33 ёшли Салоҳ «Ливерпуль» сафида 40 та учрашувда майдонга тушиб, 12 та гол урди ва 9 та голли узатмани амалга оширди. Ёзда Муҳаммад мерсисайдликлар клубини тарк этади. Миср терма жамоаси ЖЧ-2026 турнирида иштирок этади.