«Барселона» ҳимоячиси Эрик Гарсия якунланаётган мавсум ҳақида ўз фикрларини билдирди. Ла Лига якунига бир тур қолганда, жамоа биринчи ўринда бормоқда ва энг яқин таъқибчисини 11 очкога ортда қолдирмоқда.

«Бу чемпионат биз уни қандай тарзда қўлга киритганимиз туфайли жуда муваффақиятли бўлди. Биз барча уй ўйинларида ғалаба қозондик ва буни қадрлашимиз керак», — дея футболчининг сўзларини келтиради Barca Universal.

Гарсия Ханс-Дитер Фликнинг ишини алоҳида таъкидлаб ўтди: «У қаттиққўл, талабчан ва ўз ишига тўлиқ берилади. Бу мавсумда у менга ишонч бағишлади. Мен деярли барча ўйинларда турли позицияларда ҳаракат қилдим. У нафақат майдонда, балки ундан ташқарида ҳам доимо ёрдам беришга интилади. Бу эса футболчилар томонидан жуда қадрланади».

Жорий мавсумда 25 ёшли футболчи 50 та ўйинда майдонга тушиб, 7 та огоҳлантириш олди, 1 та гол урди ва 2 та голли узатмани амалга оширди.