Хорватиялик футболчи Лука Модрич яна майдонга қайтишга тайёр. У Италия чемпионати – А Серия сўнгги турида «Кальяри»га қарши кечадиган баҳсда иштирок этмоқчи. Модрич учрашувда ниқобда ҳаракат қилади, бироқ у ўзини болалар ўйлаганидек суперқаҳрамон деб ҳис қилмаслигини таъкидлади.

«Мен ўзимни нормал инсон сифатида ҳис қиламан, суперқаҳрамон эмасман. Ниқоб тақишга мажбурман, чунки шифокорлар шуни сўрашмоқда. Бу ниқоб менга суперқаҳрамондек кўриниш бериши учун эмас», — дея Модричнинг сўзларидан иқтибос келтиради pianetamilan.it.

Модрич ўтган йилнинг ёзида Италиянинг «Милан» клубига ўтган эди. Аввалроқ у Мадриднинг «Реал» ва Лондоннинг «Тоттенхэм» клублари сафида тўп сурган.