«Манчестер Юнайтед» ярим ҳимоячиси ва сардори Бруну Фернандеш, 2011 йилда ҳимоячи Неманья Видич ушбу совринга лойиқ кўрилганидан бери, Англия Премьер-лигасида мавсумнинг энг яхши футболчиси деб топилган клубнинг илк вакили бўлди.

АПЛнинг жорий мавсумида португалиялик ярим ҳимоячи 34 та ўйин ўтказиб, 8 та гол урди ва 20 та голли узатмани амалга оширди. Фернандеш Англия чемпионатида бир мавсумдаги ассистлар сони бўйича рекордни такрорлади. Таъкидлаш жоизки, мавсум якунигача яна бир тур қолган бўлиб, унда «Манчестер Юнайтед» 24 май куни «Брайтон»га қарши майдонга тушади.

Маълумот учун, Неманья Видич «Манчестер Юнайтед» шарафини 2006 йилнинг январидан 2016 йилнинг январига қадар ҳимоя қилган.