«Manchester Yunayted» yarim himoyachisi va sardori Brunu Fernandesh, 2011 yilda himoyachi Nemanya Vidich ushbu sovringa loyiq ko‘rilganidan beri, Angliya Premyer-ligasida mavsumning eng yaxshi futbolchisi deb topilgan klubning ilk vakili bo‘ldi.
APLning joriy mavsumida portugaliyalik yarim himoyachi 34 ta o‘yin o‘tkazib, 8 ta gol urdi va 20 ta golli uzatmani amalga oshirdi. Fernandesh Angliya chempionatida bir mavsumdagi assistlar soni bo‘yicha rekordni takrorladi. Ta’kidlash joizki, mavsum yakunigacha yana bir tur qolgan bo‘lib, unda «Manchester Yunayted» 24 may kuni «Brayton»ga qarshi maydonga tushadi.
Ma’lumot uchun, Nemanya Vidich «Manchester Yunayted» sharafini 2006 yilning yanvaridan 2016 yilning yanvariga qadar himoya qilgan.
