Венсан Компани Германия Кубоги финалида «Бавария»нинг «Штутгарт» устидан қозонган ғалабаси ҳақида фикр билдирди.
«Бавария» бош мураббийи Венсан Компани Германия Кубоги финалидаги ғалабани (3:0) қуйидагича изоҳлади.
«Бу шунчаки ажойиб. Бугун биз жуда кучли рақиб билан тўқнаш келдик ва биринчи бўлим мутлақо тенг курашлар остида ўтди. Бу жамоа ҳал қилувчи пайтларда ўйин даражасини оширишни ҳамиша билади. Ҳимояда ишончли ўйнадик — бу деярли идеал кубок финали бўлди.
Танаффусдан кейин ўйинимизни янада кучайтира олишимизни ҳис қилдик. Ғалаба қозониш учун керак бўлган барча ишни амалга оширдик. Йигитларим билан фахрланаман», — деди Компани.
