«Арсенал» бош мураббийи Микел Артета чемпионликни нишонлаш вақтида ўз фикрларини билдириб ўтди. Жамоа Англия Премьер-лигасининг сўнгги тур доирасидаги «Кристал Пэлас»га қарши ўйиндан (2:1) сўнг чемпионлик кубогини қабул қилиб олди.
«Улар буни жуда узоқ кутишди. Йўлимизда оғир дамлар бўлди. Бундай реакцияни кўрганингда... Бу ҳаммасига арзийди. Ҳозир роҳатланиш, мураббийлик бурчини бир четга суриб, улар билан бирга қувониш вақти», — деб келтиради мураббийнинг сўзларини Sky Sports.
«Биз ўзимиздаги ақлбовар қилмас боғлиқликни, ажойиб фидойилик ва беқиёс жасоратни кўрсатдик. Атрофимиздаги барча нарса бизни олдинга интилишга ва буни амалга оширишга ундади», — дея қўшимча қилди мураббий.
«Арсенал» ушбу мавсумда 85 очко жамғарди. Иккинчи ўринни 78 очко билан «Манчестер Сити» банд этди.
