«Сандерленд» ўз майдонида «Челси» устидан қозонилган ғалабадан (2:1) сўнг, АПЛ турнир жадвалида расман еттинчи ўринни эгаллади. Бу эса «қора мушуклар» келгуси мавсумда Европа лигасида иштирок этишини англатади.
Ажабланарлиси шундаки, «Сандерленд» ўз тарихида атиги бир марта — 1973/74 йилги мавсумда Англия кубогидаги тарихий ғалабаси туфайли Европа турнирларида қатнашган. Энди Англия шимолидан бўлган жамоа нақ 53 йил деганда Европа майдонларига қайтмоқда.
Таъкидлаш жоизки, бу «қора мушуклар»нинг Чемпионшипдан элита дивизионига қайтганидан кейинги илк мавсуми бўлди. Жамоанинг бош мураббийи — Режис ле Бри.
