«Ювентус» бош мураббийи Лучано Спаллетти жамоа таркибини кучайтириш борасида ўз фикрлари билан ўртоқлашди.

«Бьянконерилар» А Серияни олтинчи ўринда якунлашди ва Чемпионлар лигаси йўлланмасидан мосуво бўлишди. Сўнгги турда «кекса синьора» дербида «Торино»га қарши ўйинда ғалабани қўлдан бой берди (2:2).

«Биз характерли ўйинчиларни сотиб олишимиз керак. Ундайларни дарҳол таниб оласиз. Бунга мисол қилиб, ҳар бир тўп учун курашадиган Локателли ёки Маккеннини келтириш мумкин. Бизга айнан шундай инсонлар керак», — деди Спаллетти ўйиндан кейинги матбуот анжуманида.

67 ёшли мутахассис яқиндагина «Ювентус» билан шартномасини 2028 йилгача узайтирди. У бошқарувни куз ойларида Игор Тудордан қабул қилиб олганди.