«Ливерпуль» бош мураббийи Арне Слот Премьер-лиганинг сўнгги турида «Брентфорд»га қарши кечган ўйиндан (1:1) сўнг мавсумни сарҳисоб қилди.
«Қизиллар» 60 очко жамғариб, чемпионатни турнир жадвалида бешинчи ўринда якунлади ва чемпион «Арсенал»дан 25 очко ортда қолди. Мерсисайдликлар устози якунланган мавсумдаги жамоасининг асосий муаммосини бир сўз билан таърифлади.
«Агар бутун мавсумни ифодаловчи бир сўз айтишимни сўрасангиз, мен «жароҳат» деб жавоб берардим», — дея Слотнинг сўзларини келтиради Anything Liverpool.
«Ливерпуль» бошқа турнирларда ҳам муваффақият қозона олмади: Чемпионлар лигаси ва Англия кубогида чорак финалгача, Лига кубогида эса тўртинчи босқичгача етиб борилди.
