«Ювентус» устози Антонио Конте жамоа ярим ҳимоячиси Поль Погбанинг Андреа Пирлога ўринбосар бўлиши мумкинлиги ҳақида фикр билдирди.
«Пирло – тенгсиз футболчи. Италияда у каби жамоани ўз ортидан эргаштира оладиган футболчини учратмаганман.
Погба эса Пирлога ўринбосар бўлиши мумкин. Ўтган мавсумда у бир неча марта Пирло йўқлигида бу вазифани уддалаган эди. Пирлонинг йўқлигини Погба бироз (!) билдирмаслиги мумкин.
Погба жисмонан жуда кучли футболчи бўлгани учун ҳар қандай чизиқда ўйнай олади. Керак бўлса ҳимояда, керак бўлса ҳужумда. У замонавий футболчи ва янада ўсиши мумкин»,- дейди Конте.
