Мадриднинг «Реал» клуби президентлигига номзод Энрике Рикельме Юрген Клоппнинг бош мураббий сифатида таклиф этилиши ҳақидаги миш-мишларга муносабат билдирди. Аввалроқ Флорентино Переснинг 37 ёшли рақиби Жозе Моуриньо номзодига қарши чиққан эди.
«Клопп менинг танловимми? Биз дунёнинг энг яхши мураббийларини, ушбу иш учун керакли фазилатлар ва тажрибага эга шахсларни кўриб чиқмоқдамиз. Албатта, «Реал»да Клопп каби савиядаги мутахассисни кўришни истардим, аммо ҳозир уни таклиф қилиш режаларим ҳақида аниқ бир нарса дея олмайман. Яқин орада ҳаммаси ойдинлашади», — дея Рикельмедан иқтибос келтирмоқда Madrid Zone.
Эслатиб ўтамиз, «Қироллик клуби» раҳбарини сайлаш жараёни 7 июнь кунига белгиланган.
