«Челси» ҳужумчи Жоао Педрони «Барселона»га қўйиб юбормоқчи эмас. Инсайдер Фабрицио Романонинг хабар беришича, лондонликлар бразилиялик ҳужумчининг трансфери бўйича ҳеч қандай музокара олиб бормасликларини «кўк-анорранглилар»га аниқ тушунтиришган.
Манбага кўра, «Челси» Педрони ўз лойиҳасининг муҳим қисми деб ҳисоблайди ва таклиф қилинаётган нархнинг бу борада аҳамияти йўқ.
Жоао Педро ўтган йилнинг июль ойида «Брайтон»дан «Челси»га ўтган эди. Ҳужумчининг клуб билан шартномаси 2033 йилнинг ёзигача мўлжалланган. Transfermarkt портали футболчини 75 миллион еврога баҳоламоқда.
