«Chelsi» hujumchi Joao Pedroni «Barselona»ga qo‘yib yubormoqchi emas. Insayder Fabrisio Romanoning xabar berishicha, londonliklar braziliyalik hujumchining transferi bo‘yicha hech qanday muzokara olib bormasliklarini «ko‘k-anorranglilar»ga aniq tushuntirishgan.
Manbaga ko‘ra, «Chelsi» Pedroni o‘z loyihasining muhim qismi deb hisoblaydi va taklif qilinayotgan narxning bu borada ahamiyati yo‘q.
Joao Pedro o‘tgan yilning iyul oyida «Brayton»dan «Chelsi»ga o‘tgan edi. Hujumchining klub bilan shartnomasi 2033 yilning yozigacha mo‘ljallangan. Transfermarkt portali futbolchini 75 million yevroga baholamoqda.
