«Челси» ҳужумчиси Жоао Педродан ҳозирги вақтда дунёдаги энг яхши ўнг қанот ҳимоячиси ким экани ҳақида сўрашди.

«Менимча, агар Рис Жеймс доимо барқарор ҳолатда бўлса, у юз фоиз биринчи рақамли ҳимоячига айланади. Чунки Ашраф Ҳакимий кўпроқ қанот бўйлаб югурадиган футболчи. Рис эса анча универсал ўйинчи. У ҳимояда ҳам, ҳужумда ҳам яхши ўйнайди, жарима ва бурчак зарбаларини ҳам қойиллатиб ижро эта олади», — деди Жоао Педро Рио Фердинанднинг подкастида.

Маълумот учун, Рис Жеймс «Челси» тарбияланувчиси ҳисобланади. Унинг Лондон клуби билан тузган шартномаси 2032 йилнинг 30 июнигача мўлжалланган. 2025/26 йилги мавсумда ҳимоячи «кўклар» сафида барча мусобақаларда 39 та ўйинда майдонга тушиб, 2 та гол урди ва 7 та голли узатмага муаллифлик қилди.