Каталониянинг «Барселона» клуби ҳимоя чизиғини кучайтириш мақсадида «Манчестер Сити» аъзоси Йошко Гвардиол трансфери устида ишламоқда. Бу ҳақда COPE нашри хабар тарқатди.
24 ёшли хорватиялик ҳимоячининг «шаҳарликлар» билан амалдаги шартномаси 2028 йилга қадар мўлжалланган. Transfermarkt портали футболчини 70 миллион еврога баҳоламоқда. Таъкидлаш жоизки, Гвардиолга фақатгина «Барселона» эмас, балки «Бавария» ва «Реал» клублари ҳам жиддий қизиқиш билдирмоқда.
Йошко Гвардиол жорий мавсумда барча турнирларда 25 та учрашувда майдонга тушди. У ҳимоячи бўлишига қарамай, самарали ҳаракатлари билан ажралиб турибди — 2 та гол ва 5 та голли узатма муаллифига айланган.
