"Зенит" ва Москванинг "Динамо" клублари собиқ ярим ҳимоячиси Мигел Данни нима учун "ПСЖ" УЕФА Чемпионлар лигаси финалида "Арсенал"дан устун келиши мумкинлиги ҳақида гапириб ўтди.
"ПСЖ" яна ғалаба қозонади, улар бунга лойиқ. Албатта, "ПСЖ"га мухлислик қиламан, уларнинг таркибида ажойиб португалияликлар ва Матвей Сафонов бор. Сафонов ажойиб мавсумни ўтказмоқда ва жамоа учун муҳим футболчи ҳисобланади", – дея мулоҳаза юритади португалиялик футболчи "РБ Спорт" портали учун.
Эслатиб ўтамиз, "ПСЖ" – "Арсенал" учрашуви эртага, 30 май куни Будапештда бўлиб ўтади. "ПСЖ" УЕФА Чемпионлар лигасининг амалдаги ғолиби ҳисобланади, "Арсенал" эса 20 йил деганда ушбу нуфузли еврокубок финалига чиқди. Ҳар икки клуб ўз лигаларида ўтган мавсумда чемпионликни қўлга киритган.
