Лондоннинг «Арсенал» клуби ҳужумкор ярим ҳимоячиси Итан Нванерига «Комо» томонидан қизиқиш билдирилмоқда. «Канонирлар» ҳозирча ўтган мавсумнинг иккинчи ярмини «Марсель»да ижара асосида ўтказган 19 ёшли футболчининг келажаги борасида якуний қарорга келишганича йўқ.
Transfer News Live нашрининг TEAMtalk’га таяниб хабар беришича, «Комо» бош мураббийи Сеск Фабрегас инглиз футболчисини ўз жамоасида кўришни истамоқда ва трансфер бўйича фаол ҳаракат қилмоқда.
Италия клубига ушбу иқтидорли ўйинчига қизиқиш билдираётган Премьер-лига вакиллари рақобатчи бўлиши мумкин. Итан Нванерининг «Арсенал» билан тузган шартномаси 2030 йилгача амал қилади, Transfermarkt сайтида эса унинг нархи 40 миллион евро деб кўрсатилган.
