«Ливерпуль» ярим ҳимоячиси Кёртис Жонс «Интер»нинг эътиборини тортди. Инсайдер Фабрицио Романонинг X ижтимоий тармоғида хабар беришича, италияликлар қишки трансфер бозорида жамоанинг асосий нишони бўлган футболчининг трансфери устида ишлашда давом этмоқда.
Манбага кўра, музокаралар ҳамон давом этмоқда. «Интер» Жонсни ярим ҳимоя чизиғи учун асосий номзод сифатида кўришни давом эттирмоқда. Инглиз футболчисининг ўзи ҳам жамоасини ўзгартиришга қарши эмас. Ҳозирча келишувга эришилгани йўқ, чунки таклиф этилган 20 миллион евро маблағ «Ливерпуль»ни қониқтирмаяпти, бироқ келишув амалга ошиши мумкин.
Кёртис Жонс «Ливерпуль» тарбияланувчиси ҳисобланади. 25 ёшли футболчи 2020 йилдан буён мерсисайдликларнинг асосий жамоаси сафида тўп суриб келмоқда.
